Жарғы

1. ЖАЛПЫ ЕРЕЖЕЛЕР

1.1. «Тұрақты даму және әйелдер кәсіпкерлігін қолдау қоры» қоғамдық қоры Қазақстан Республикасының Ата заңына, Қазақстан Республикасының Азаматтық Кодексіне, Қазақстан Республикасының «Коммерциялық емес ұйымдар туралы» және басқа да заңнамалық актілері негізінде жұмыс істейді.

1.2. Қор коммерциялық емес ұйым нысанындағы заңды тұлға болып табылады, жеке балансы, дөңгелек мөрі, мөртабаны, қазақ және орыс тілдерінде атауы көрсетілген фирмалық бланкі, банктерде есептік шоты бар.

1.4. Қордың мекенжайы: Қазақстан Республикасы, 010000, Нұр-Сұлтан қаласы, Есіл ауданы, Қонаев көшесі, 8-үй.

2. ҚОР ҚЫЗМЕТІНІҢ МАҚСАТЫ, НЕГІЗІ МЕН БАҒЫТЫ

2.1. Қор қызметінің негізі әйелдер кәсіпкерлігін қолдау және дамыту болып табылады.

2.2. Қордың мақсаты:

2.2.1. әйелдер кәсіпкерлігі саласындағы жобаларды қолдау және жүзеге асыру;

2.2.2. әйелдер кәсіпкерлігі субъектілерінің қызметі бойынша кеңес беру және ақпараттық қолдау;

2.2.3. әйелдер кәсіпкерлігін дамытуға бағытталған іс-шараларды ұйымдастыру;

2.2.4. кітап, мерзімдік басылым, интернет ресурстар шығару;

2.2.5. білім беру, ағартушылық және зерттеу жұмыстарын жүзеге асыру;

2.2.6. қайырымдылық іс-шараларын өткізу;

2.2.7. шетелдермен тиімді экономикалық, сауда, ғылыми-техникалық, өнеркәсіптік ынтымақтастық орнатуға ықпал ету;

2.2.8. қазақстандық, халықаралық және шетелдік қоғамдастықпен, қормен және компаниямен тиімді әрі өзара әріптестік ұйымдастыру

2.2.9. Қор қызметін іске асыруға бағытталған басқа да мақсаттар.

3. ҚОР МҮЛКІ

3.1. Қор негізгі және айналымдағы қаражатты, сондай-ақ құны оның балансын қамтитын басқа да құндылықтарды құрайтын оқшауландырылған мүлікке иелік етеді.

3.3. Қор құрылтайшыларының Қорға өзі берген мүлікке мүліктік құқығы жоқ, Қор қызметінен кіріс алмайды, ол таратылған жағдайда Қордың мүлкін алмайды. Қор дивиденд төлемейді.

3.4. Қор өз міндеттемелері бойынша өзіне тиесілі барлық мүлікке жауапты болады. Ол өз құрылтайшыларының міндеттемелері бойынша жауап бермейді, ал құрылтайшылар қолданылып жүрген заңдарда көзделген жағдайларды қоспағанда, Қордың міндеттемелері бойынша жауап бермейді.

3.5. Қор Қазақстан Республикасының қолданыстағы заңнамасына сәйкес өз мүлкін иеленуді, пайдалануды, иелік етуді жүзеге асырады.

3.6. Қордың меншігі Қазақстан Республикасының заңнамасымен қорғалады.

4. ҚОРДЫҢ ҰЙЫМДЫҚ ҚҰРЫЛЫМЫ МЕН БАСҚАРУ ОРГАНДАРЫ, БАСҚАРУ ОРГАНДАРЫН ҚҰРУ ТӘРТІБІ

4.1. Қордың жоғары органы Қор құрылтайшыларының жалпы жиналысы (бұдан әрі – құрылтайшылардың жалпы жиналысы) болып табылады. Қор құрылтайшыларының жалпы жиналысының регламенті оның отырысында қор құрылтайшыларының шешімімен бекітіледі.

4.2. Құрылтайшылардың жалпы жиналысының шешімдері құрылтайшылардың жалпы санының қарапайым көпшілік дауысымен қабылданады.

4.3. Алқалық басқару органы - Қордың Қамқоршылық кеңесі (бұдан әрі-Қамқоршылық кеңес). Қамқоршылық кеңестің регламенті оның отырысында Қамқоршылық кеңестің шешімімен бекітіледі. Атқарушы орган – қордың директоры (бұдан әрі-директор).

4.4. Құрылтайшылардың жалпы жиналысының ерекше құзыретіне мынадай мәселелер жатады:

4.4.1. Қордың құрылтай құжаттарына өзгерістер мен толықтырулар енгізу, қабылдау;

4.4.2. Қорды ерікті түрде қайта ұйымдастыру және тарату;

4.4.3. Қордың басқару органдарының құзыреттерін, ұйымдық құрылымын, өкілеттіктерін қалыптастыру және тоқтату тәртібін айқындау;

4.4.4. атқарушы органдардың қаржылық есептілігін ұсыну тәртібі мен мерзімділігін, сондай-ақ бақылау органының тексеру жүргізу тәртібін айқындау және олардың нәтижелерін бекіту;

4.4.5. Қамқоршылық кеңес пен Ревизордың құрамын, өкілеттік мерзімін анықтау, Қамқоршылық кеңес мүшелері мен Ревизорды тағайындау және өкілеттігін мерзімінен бұрын тоқтату;

4.4.6. заң актілерінде белгіленген шекте Қордың басқа заңды тұлғаларды құруы немесе олардың қызметіне қатысуы, осындай заңды тұлғалардың құрамынан шығуы, өз филиалдары мен өкілдіктерін құруы және ашуы туралы шешім қабылдау;

4.4.7. Қордың аралық тарату балансын, Қордық тарату балансын бекіту және тарату комиссиясын тағайындау.

4.5. Қамқоршылық кеңес құрылтайшылардың жалпы жиналысында үш жыл мерзімге құрылады, осы Жарғыда қарастырылған Қамқоршылық кеңестің ерекше құзыретіне жатқызылған мәселелер бойынша Қорға жалпы басшылықты жүзеге асырады, Қорға мемлекеттік органдармен, үкіметтік емес, қоғамдық, халықаралық және басқа ұйымдармен ынтымақтастықта көмектеседі.

4.6. Қамқоршылық кеңестің ерекше құзыретіне төмендегілер жатады:

4.6.1. директорды тағайындау және оның өкілеттігін мерзімінен бұрын тоқтату, оның лауазымдық жалақысының мөлшерін белгілеу;

4.6.2. Қордың міндеттері мен мақсаттарына қол жеткізу барысын бақылау;

4.6.3. Қордың бюджетін және оған енгізілетін түзетулерді бекіту;

4.6.4. Қор қызметінің мәніне сәйкес жобаны қолдау, қаржыландыру және іске асыру туралы шешім қабылдау;

4.6.5. Қордың ішкі қызметін реттейтін ішкі құжаттарды, оларды қабылдау рәсімдерін және басқа да құжаттарды бекіту;

4.6.6. Қордың құрылымы мен штат санын бекіту;

4.6.7. Қор активтерінің баланстық құнының он және одан да көп пайызын құрайтын мөлшерде қарыз тарту туралы шешім қабылдау;

4.6.8. құны Қор активтерінің баланстық құнының жалпы мөлшерінің жиырма бес және одан да көп пайызын құрайтын мүлікті сатып алу немесе иеліктен шығару туралы шешімдер қабылдау, сондай-ақ Қордың бір тұлғамен не бір-бірімен аффилирленген тұлғалар тобымен құны Қор активтерінің баланстық құнының жалпы мөлшерінің жиырма бес және одан да көп пайызын құрайтын мүлікті сатып алуға немесе иеліктен шығаруға қатысты бір немесе бірнеше мәміле жасау;

4.6.9. Құрылтайшылардың жалпы жиналысында қабылданатын шешімдердің орындалуын бақылауды жүзеге асыру.

4.7. Қамқоршылық кеңес өз отырыстарын қажеттілігіне қарай, бірақ кемінде алты айда бір рет өткізеді. Қамқоршылық кеңестің отырыстары отырыста Қамқоршылық кеңес мүшелерінің кемінде жартысы болған жағдайда заңды деп есептеледі.

4.9. Қамқоршылық кеңестің шешімдері Қамқоршылық кеңес мүшелерінің жалпы санының қарапайым көпшілік дауысымен қабылданады. Талқыланатын мәселе бойынша дауыстар тең болған жағдайда төрағаның дауысы шешуші болып табылады.

4.10. Қордың атқарушы органы Директор болып табылады. Атқарушы органды қалыптастыру тәртібі: Қамқоршылық кеңес 3 жыл мерзімге тағайындайды, құрылтайшылардың жалпы жиналысы мен қамқоршылық кеңестің айрықша құзыретіне жатпайтын барлық мәселелер бойынша шешімдер қабылдайды, құрылтайшылардың жалпы жиналысына және Қамқоршылық кеңеске есеп береді.

4.11. Директор:

4.11.1. Қордың ішкі құжаттарын (Қор құрылтайшысының және қамқоршылық кеңесінің құзыретіне жататындардан басқа), оның ішінде бұйрықтарды шығарады;

4.11.2. Қазақстан Республикасының аумағындағы және одан тыс жерлердегі барлық ведомстволарда, ұйымдар мен кәсіпорындарда Қордың мүддесін білдіреді;

4.11.3. Қордың жұмыс құжаттарына қол қояды, сенімхаттар береді, сондай-ақ Қордың атынан келісімдер, шарттар, келісім-шарттар жасасады;

4.11.4. Қор қызметінің кез-келген мәселелерін қарайды және шешеді (құрылтайшылардың жалпы жиналысы мен қамқоршылық кеңестің айрықша құзыретіне жатқызылған мәселелерді қоспағанда).

4.12. Директор сенімхатсыз әрекет етеді. Бірінші қол қою құқығы Директорға тиесілі.

4.13. Қордың қаржы-шаруашылық қызметін тексеруді ревизор және/немесе аудиторлық ұйым жүзеге асырады. Ревизор сайланады және / немесе құрылтайшылардың жалпы жиналысында аудит тағайындалады.

4.14. Ревизор сайланған жағдайда Қордың барлық лауазымды тұлғалары оның сұрау салуы бойынша қажетті ақпарат пен құжаттарды беруге міндетті. Ревизор құрылтайшылардың жалпы жиналысында ғана есеп береді.

4.15. Қордың тұрақты жұмыс істейтін басшы органының орналасқан жері Қордың орналасқан жеріне сәйкес келеді.

4.16. Құрылтайшылардың жалпы жиналысының және(немесе) қамқоршылық кеңестің шешімі бойынша Қордың консультативтік-кеңесші органдары құрылуы мүмкін.

5. ҚОРДЫҢ ҚҰҚЫҚТАРЫ МЕН МІНДЕТТЕРІ

5.1. Қордың құқықтары мен міндеттері Қазақстан Республикасының қолданыстағы заңнамасымен және осы жарғымен реттеледі.

5.3. Қор одақтарға (қауымдастықтарға) кіруге, сондай-ақ халықаралық одақтардың (қауымдастықтардың) және өзге де заңды тұлғалардың қатысушысы болуға құқылы.

5.4. Қор тек жарғылық мақсаттарды іске асыру мақсатында кәсіпкерлік қызметпен айналысуға құқылы. Қордың кәсіпкерлік қызметтен түскен кірістері тек жарғылық мақсаттарға қол жеткізу үшін ғана жұмсалады және Құрылтайшыға төлеуге жатпайды.

6. ФИЛИАЛДАР МЕН ӨКІЛДІКТЕР

6.1. Қор Қазақстан Республикасының аумағында және шетелде өз филиалдарын құруға және өкілдіктер ашуға, оларға өз мүлкі есебінен негізгі және айналым қаражатын беруге және Қазақстан Республикасының заңдарына сәйкес олардың қызметінің тәртібін белгілеуге құқылы.

6.2. Филиалдың немесе өкілдіктің мүлкі олардың жеке балансында және Қордың жалпы балансында ескеріледі.

6.3. Филиалдардың немесе өкілдіктердің қызметіне басшылық етуді директор тағайындайтын тұлғалар жүзеге асырады. Филиалдар мен өкілдіктердің басшылары Қор берген сенімхат негізінде әрекет етеді.

7. ӨЗГЕРІСТЕР МЕН ТОЛЫҚТЫРУЛАР ЕНГІЗУ

7.1. Қор тіркеуші органға бір ай мерзімде құрылтай құжаттарына енгізілуі қайта тіркеуге (орналасқан жерінің өзгеруіне, филиалдың немесе өкілдіктің ашылуына және т.б.) әкеп соқпайтын басқа да деректердің өзгерістері туралы хабарлауға міндетті.

7.2. Жарғыға өзгерістер мен толықтырулар енгізу мәселесіне құрылтайшылардың жалпы жиналысы, Қамқоршылық кеңес немесе директор бастамашылық етуі мүмкін.

7.3. Өзгерістер мен толықтырулар енгізу туралы шешімді құрылтайшылардың жалпы жиналысы қабылдайды.

7.4. Енгізілген өзгерістер мен толықтырулары бар жарғының жаңа редакциясы заңды тұлғаларды мемлекеттік тіркеу туралы заңда белгіленген тәртіппен әділет органдарында тіркеуге жатады.

8. ҚОРДЫҢ ҚЫЗМЕТІН ҚАЙТА ҰЙЫМДАСТЫРУ ЖӘНЕ ТОҚТАТУ

8.2. Қорды қайта ұйымдастыру (біріктіру, қосу, бөлу, бөліп шығару, қайта құру) заңда көзделген тәртіппен жүзеге асырылады. Біріктіру түріндегі қайта құру жағдайларын қоспағанда, жаңадан құрылған бірлестіктер тіркелген кезден бастап Қор қайта құрылған деп саналады.

8.3. Қайта ұйымдастыру кезінде Қордың құқықтары мен міндеттері Қазақстан Республикасының заңнамасына сәйкес құрылтайшылардың жалпы жиналысында айқындалған тәртіппен және шарттарда оның құқықтық мирасқорларына ауысады.

8.4. Қорды таратуды құрылтайшылардың жалпы жиналысы немесе сот тағайындаған тарату комиссиясы қолданыстағы заңнамада көзделген тәртіппен және мерзімде тағайындайды. Тарату комиссиясы тағайындалған кезден бастап оған Қордың істерін басқару жөніндегі өкілеттік беріледі.

9. ТАРАТЫЛҒАН ЖАҒДАЙДА МҮЛІКТІ ПАЙДАЛАНУ ТӘРТІБІ

9.1. Қор құрылтайшыларының жалпы жиналысының шешімі бойынша таратылған кезде кредиторлардың талаптарын қанағаттандырғаннан кейін қордың қалған мүлкі осы Жарғыда көзделген мақсаттарға жіберіледі немесе осындай мақсаттары мен міндеттері бар басқа ұйымға беріледі.