Іскер әйелдер кеңесі «Атамекен» ҚР Ұлттық кәсіпкерлер палатасы жанынан (бұдан әрі – Кеңес) құрылған. Өңірлік кәсіпкерлер палаталары алаңдарында Өңірлік іскер әйелдер кеңестері, сондай-ақ, аудандық деңгейде дәл осындай кеңестер жұмыс істеуде.


Кеңесті құрудың басты идеясы – өңір әйелдерінің іскерлік ортадағы белсенділігін күшейту.

Кеңестің міндеттері:

- Іскер әйелдердің экономикалық белсенділігін ынталандыру;
- Әйелдердің жеке кәсіпкерлікке барынша тартылуын, олардың экономикалық бастамаларын қолдау және экономикалық мүмкіндіктерін кеңейту.

Кеңес өз қызметін мынадай бағыттар бойынша іске асырады:

- Республикадағы шағын және орта бизнесті қаржыландыру жүйесі туралы ақпараттық-ағартушылық қызметті ұйымдастыру;
- Кәсібін жаңа бастаған іскер әйелдерге ұйымдастырушылық, әдістемелік, консультациялық және ақпараттық қолдау көрсету;
- Әлеуетті бизнес-идеяларды, жобаларды қолдау;
- Іскер әйелдердің экономикалық құзыреттілігін арттыру және олардың арасындағы іскерлік байланыстарды нығайту;
- Өңірлердің, қалалар мен кәсіпорындардың экономикалық дамытудағы барынша тиімді тәсілдері бойынша кәсіпқой іскер әйелдердің тәжірибе алмасуын жолға қою;
- Қазақстандық және шетелдік іскер әйелдердің арасындағы сындарлы диалогты жолға қою, оның ішінде қазақстандық және шетелдік іскер ханымдардың экономикалық әрі мәдени қарым-қатынасын нығайту;
- Шетелдік іскерлік ортада елдегі іскер ханымдардың беделін танытып, оң имиджін қалыптастыру.